УВОСЕНЬ УЗЫХОДЖУ НА ПАЎНОЧНУЮ ВЕЖУ СЕ ЦЯО Ў ГОРАДЗЕ СЮАНЧЭН.

ЛІ БО.

Са старажытнакітайскай. Пераклад Ігара Бабкова. 


Горад каля ракі 
                           ў чыстых восеньскіх фарбах 
Горы… вечар ціхуткі 
                                     ўсё гляджу навокал: 
Дзе празорыстых рэчкі 
                                        з захаду і ўсходу 
Горад апаясалі, — 
                                і нібы вясёлкі, масткі 
Дым чалавечага жытла 
                                        шэрань на дрэвах цытрыны 
Дрыготкія фарбы восені 
                                          кранулі стары платан 
Ці згадае хто-небудзь 
                                     узышоўшы на паўночную вежу 
Пра гаспадара Се Цяо… 
                                          Ці можа толькі вецер?! 

Се Цяо (464—499) — паэт і генерал.