НОЧЧУ, ПРЫЧАЛЬВАЮЧЫ Ў НЮ ЧЖУ, ЗГАДВАЮ СТАРЫЯ ЧАСЫ.

ЛІ БО.

Са старажытнакітайскай. Пераклад Ігара Бабкова. 


У Ню Чжу на Заходняй рацэ ціхая ноч 
Чыстае неба ніводнай аблачынкі няма 
Падымаюся сузіраю з лодкі восеньскі месяц 
Згадваю гаспадара Се але — марна! 
Я таксама магу складаць радкі 
                                                     І ўжо не вернеш 
Светлаю раніцай распрастае скрыдлы ветразь 
А з кранутых шэранню клёнаў 
                                                    лістота спадацьме павольна…